اغبى الايميلات

اشكركم على تواصلكم وعلى ايميلاتكم الحلوه

بس عندي

طلب


تكفوووووون اللي ارسل أواللي ناوي يرسل

فيه ايميلات اتمنى ما أحد يرسلها لي << طرار ويتشرط


أولاً

-------------------------------------------------------------------------------------------------------------------------------------------



الايميل الأول


تحذير من الويندوز

أرسل هذه الرساله لكل المضافين والا بنقطع حسابك




لا وبعد مصدر موثوق BBC

ههههههه قسم بالله اني قعدت اضحك

انا مسوي ايميلي هذا لي 4 سنين !!!

وبحياتي ماقد ارسلتها لأحد !! << شكله بيتقفل اليوم


يعني لو فيه شي صدق بتحصلون الويندوز لايف نفسهم مرسلين لكم

لكن حسب ماسمعت

انه فيه ناس لها مصلحه انها تزحم السيرفرات

وش تستفيد الله أعلم ؟؟

يعني انا ارسلتها لـ40 .. غيري ارسلها لـ60

بعدين لــ 100 و200 و500


مررره زحمه على غير فايده




...


من زاويه اخرى


ليتهم صدق يسوونها

ياكثر اللي أعرفهم كم ايميل على غير سنع ودي يقفلون ايميلاتهم خخخخخخ

<<< قلب ع الوجه الثاني




--------------------------------------------------------------------------------


الايميل الثاني








ومن الايميلات اللي مسويه زحمة ع الفاضي


هذاك الايميل اللي يقول فيه

واحد تحداني القى 300 مسلم قبل يلقى هو 300 كافر

يعني يقدر يصف 300 اسم بعشر دقايق

يعني لو التحدي عنده سالفه كان صار في موقع معروف

يحط رابط ويبشر بـ 3000 مسلم مو 300

وكلن يدخل يسجل اسمه

لكن ايميل .. معليش حكي فاضي

والعالم بكل فخر ترز اسمائها .. والحمد الله حنا مسلمين








--------------------------------------------------------------------------------


الايميل الثالث




اول نفتح البريد ندور شي يوسع الصدر

الحين ما فيه الا الاكله هذي مسرطنه والعصير هذا يسبب صلع

وكيس الخبز اذا شقيته بدون تفك الربطه يسبب سرطان في الابط

والصابون اذا حطيته في فمك يسبب سرطان لثه

والله مليت

كل شي مسرطن كل شي ضار يلعن بليسكم اذا كل شي مسرطن وضار وشلون عشنا حتى الحب قالوا مسرطن


الجح الي يباع في عز الصيف مسرطن الماء الي تشربه بعد الوجبه يسبب حوله


والله يا جماعه من كثر الخزعبلات تلخبططت الافكار

الشماغ اذا لبسته والمرزام مقلوب يسبب سرطان في الاصبع الصغير من رجل شغالتكم

(عشانها هي الي تغسله)





بلد خربان .. كله اشاعات








--------------------------------------------------------------------------------



الايميل الرابع


برب كلمه تغضب الله




معلييييييييش


يعني عارفين انه برب = بي رايت باك .. واختصارها

BRB


وش دخلها بـ (قل أعوذ برب الفلق)

والا خلاص بس نشوف آيه .. خلاص نقول هــــاه والله شكله صدق


طيب لو قلتلكم انه


OK


هي اختصار لإسم قسيس نصراني

Ordeal Keenly

كان يختم على صكوك الغفران التي تمنحها الكنيسه بأول حرفين من اسمه


O.K


اي تمت مسامحة المذنب وتطهيرة من كل ذنوبه

وللأسف انتشرت عندنا بمعنى الموافقه

حتى ان النصارى راهنوا انهم ينشرونه عندنا وتحدوا انهم يخلونا ننطق اسمه

تقريبأ في شكل يومي

حتى اصبحنا نقولها في 80% من كلامنا


هع هع هع لحد يصدق تراني مألف هههه

<<< خشيت جو بالـتأليف





--------------------------------------------------------------------------------







أخيراَ


ايميلات .. أنشر تؤجر .. لا تدعها تقف بجهازك





كلنا نبي الأجر .. والدال ع الخير كفاعله

لكن اذا ماكنتوا انتم اللي مسوين الايميل

ومو متأكدين من المصادر .. لا تنشرونها عشان ما تأثمون

للأسف كثير من الأحاديث تكون ضعيفه وأغلبية المتداولة عبر الإيميلات ضعيفة ونزلت فتاوى كثيرة تحذر منها

هذا غيرالاقوال والأدعيه اللي تطلع بدعه مالها اي اساس من الصحه

وحنا ننشرها عن حسن نيه

والله العالم بنية اللي يسويها


وكله كوم واللي يجي يقولك

قل هذي الجمله؟؟؟؟؟ الان كسبت 398321 حسنه

على كيف امك هي توزع حسنات

لا ويقولك انتبه لا يضحك عليك الشيطان ارسلها انتبه تضغط دليت ترا اصل كلمت دليت


delete = devel


وتعني الشيطان

تلاحظ ان اول حرفين نفس الشي

de

وبدل V بحرف L


L يعني لا يضحك عليك الشيطان


T معناها تخسي تضحك علي


وأفلقوووني اذا ما جاتكم بعد فترة اشاعة وان مخترع الكيبورد يهودي




اخيراً لايلعب عليك الشيطان وارسلها لـ 9 من اصحابك و3 بنقاليه وبتسمع أحلى خبر اليوم



هههههههههههههههههههههههههههههههههههههههه





واتوقع فيه ناس عندي عارفين انفسهم ــ ترا اذا ارسلتوا لي مثل هالرسايل والله لابدأ اشخط وانا ماشي



واللي مو عارف نفسه يدق علي واعلمه هو منهم ولا لأ



خخخخخخخخخخخخخخخخخخخخخخخخ











وســــلامـــتـكــم



عذراً على الاطالة

ونلتقي في "ايميلات غثيثة الجزء الثاني"







لحد يسويلي بلوك

آآيييييييييييووووواا .. حسبي الله ايميلات تفقع القلب ورربي